Contacto
Concello de Rois
Oficina municipal de Servizos Sociais
Rois é un concello igualitario, integrador das diversidades, atento coas persoas maiores, socialmente responsable e solidario: a nosa prioridade é satisfacer as necesidades básicas das persoas e das familias.
Os Servizos Sociais municipais son a porta de entrada para as demandas persoais e familiares. Cada unha delas é valorada de maneira personalizada para buscar a solución mais acaída á necesidade social que se demanda, dinamizando os recursos comunitarios existentes.
Ofrecemos orientación para acceder aos recursos sociais e de apoio económico aos que se poida ter dereito a fin de atopar solucións ás distintas problemáticas persoais ou familiares. Axuda no fogar, educación familiar, inserción social, voluntariado, muller, terceira idade, discapacidade ou drogodependencias son algúns dos programas nos que se traballa desde o departamento de Servizos Sociais.
Noticias: Servizos Sociais
Rois abre inscrición no Diververán ata o 31 de maio para facilitar a conciliación en xullo e agosto
Noticias Servizos Sociais Educación, Cultura e Xuventude- Ofrécense catro quendas de quince días dende o 4 de xullo tanto en Rois como en Urdilde, para alumnado a partir de 3º e infantil
- As familias interesadas deberán cubrir a ficha de inscrición e facer o pagamento antes do día 30 para reservar a praza
- O prezo por quenda é de 60 euros e o do mes completo de 100 e haberá diferentes descontos
Comeza o proceso de admisión na escola infantil A Galiña Azul de Rois
Noticias Servizos Sociais Educación, Cultura e Xuventude
Máis de 100 persoas asisten á presentación en Rois do videoclip ‘Sororidade’ do CIM Terras de Iria
Noticias Servizos Sociais- Un total de 35 veciñas da comarca do Sar participan nesta peza audiovisual musical que reivindica a solidariedade entre mulleres
- Isabel Ramos, directora do CIM Terras de Iria, recalca a importancia de “axudarnos as unhas ás outras e, sobre todo, deixarnos axudar”
- Ramón Tojo resalta o labor que vén realizando o CIM en Rois, Padrón e Dodro desde hai anos e que agora se visibiliza con este vídeo
- Jéssica Beiroa, autora da letra, incide no valor de “tecer unha rede entre todas as mulleres para saírmos de situacións difíciles”
Máis de 30 veciñas da comarca do Sar protagonizan o videoclip ‘Sororidade’ do CIM Terras de Iria polo 8M
Noticias Servizos Sociais- O Auditorio Municipal de Rois acolle a estrea do vídeo o sábado 5 de marzo ás 12 do mediodía
- Dez pandeireteiras de agrupacións folclóricas locais interpretan a peza musical creada por Jéssica Beiroa para conmemorar a efeméride
- Unha ducia de mulleres de Dodro, Padrón e Rois e outras tantas figurantes acompañan a música coa súa interpretación xestual
- Con este proxecto, o CIM Terras de Iria pon o énfase na importancia da solidariedade entre mulleres e do empoderamento feminino
As Tanxugueiras e o coronavirus, protagonistas do Entroido no centro de día de Urdilde
Noticias Servizos Sociais- O xerente do Consorcio de Igualde e Benestar e o alcalde de Rois visitaron as instalacións e escoitaron as coplas que tiñan preparadas as persoas usuarias
- Interpretaron a canción ‘Terra’ coa que as pandeireteiras competiron no festival de Benidorm
- Perfecto Rodríguez e Ramón Tojo felicitaron as persoas usuarias “polo ánimo que amosades” para celebrar o Entroido
Rois reparte lotes de alimentos e agasallos de Nadal entre as familias vulnerables do concello
Noticias Servizos Sociais- Os maiores do Centro de Día colaboraron na iniciativa fabricando a man pequenos xogos que se distribuíron entre a poboación menos favorecida
- O Concello de Rois mercou os alimentos no comercio local
