Formulario de matrícula e tarifas, bonificacións e estimación de horarios do curso 2024-2025

Toquemos todas e todos xuntos!

En Rois temos un compromiso coa aprendizaxe da música como linguaxe universal e como forma de expresión das emocións. Por iso, no ano 2006 apostamos pola creación da Escola de Música Municipal e a día de hoxe somos un referente cultural na comarca con máis de cen matrículas cada curso. Cando hai desexo de aprender, non hai límites de idade. Sede tod@s benvid@s á nosa Escola!

Tes entre 3 e 7 anos?

Podes bailar, cantar e tocar con música e movemento.

Tes máis de 8 anos?

Podes traballar o ritmo musical, a entoación e a teoría en linguaxe musical, ao tempo que aprendes a tocar un instrumento, para máis tarde pasar a formar parte da banda de música, de agrupacións de música de cámara e das demais agrupacións da Escola.

Tes máis de 12 anos?

Desde o curso 2020-21 impartimos a materia de harmonía e creación musical.

Que instrumento queres elixir?

Ofrecémosche clases de frauta, óboe, fagot, clarinete, saxofón, trompeta, trompa, trombón, tuba, violín, viola, violoncello, contrabaixo, acordeón, guitarra, baixo eléctrico, piano, percusión, batería e canto.

Ademais…

Na ESMU de Rois poderás preparar o teu ingreso no Grao Profesional do Conservatorio, asistir a concertos didácticos ou participar en festivais e nos intercambios musicais con outras escolas.