A actividade física é clave para unha mellor calidade de vida. Por iso, un dos obxectivos do Concello de Rois é fomentar a práctica deportiva e ofrecer alternativas saudables de ocio para a veciñanza, dende escolares ata persoas maiores ou con discapacidade.
Que deporte queres practicar?
Desde a área de Deportes deseñamos unha programación inclusiva, pensada para todas as idades e para todo tipo de persoas, e contamos con espazos axeitados para practicala. As escolas deportivas municipais teñen por lema o traballo en equipo e, cando as cousas se torcen, como cando a Covid-19 nos confinou nas nosas casas, as monitoras e monitores arriman o ombro para ofrecer as súas clases na rede.
Judo, ximnasia rítmica, patinaxe artística, tenis, pilates, ioga, zumba ou ximnasia de mantemento son algunhas das actividades da programación deportiva anual. Pero non son únicas: desde o Concello tamén se organizan eventos puntuais como o Día da Bicicleta e colabórase activamente cos clubs e agrupacións locais. Rois acolle torneos de fútbol e de golf, probas de mushing, enduro, ciclismo, pesca ou sendeirismo e é terra de deportistas de elite como Suso Blanco Villar, Martín Bouzas, Xurxo Neo ou as irmás Inés e Carla Castaño. Tes onde escoller!
Noticias: Deportes
O Concello de Rois abre o prazo de inscrición para o Diververán 2026, un programa clave para facilitar a conciliación familiar durante as vacacións estivais
Noticias Educación, Cultura e Xuventude Deportes- As solicitudes poderán presentarse do 20 de abril ao 14 de maio
- O campamento desenvolverase en Rois e Urdilde entre o 22 de xuño e o 7 de setembro
- Inclúe servizo de amencer desde as 7.30 horas
Rois abre as inscricións para participar na Andaina do Santo Isidro Letras Galegas, que sairá o domingo 17 de maio do pavillón de Urdilde
Noticias Educación, Cultura e Xuventude DeportesA proba, non competitiva, discorrerá por un percorrido de 11 quilómetros que homenaxeará os autores e autoras das nosas letras || O custo é de 5 euros para persoas adultas e gratis para os menores de idade, que deben ir acompañados
Damián González e Beatriz Barroso ganan a proba de 20 km nun multitudinario Trail Montes de Rois
Noticias Deportes- Sergio García, Samuel Saborido, Lucía Peón e Rita Fernández completaron o propio absoluto no trail longo
- Alberto González, Diego Ferreira, Adrián Garabato; e Alba Rey, Apolonia Bermúdez e a moza Judit Barros subiron ao podio do trail curto
- 320 atletas tomaron a saída nas dúas probas competitivas
- Unhas 300 persoas participaron na andaina non competitiva
Máis de 700 deportistas participarán o domingo 11 na terceira edición do Trail e Andaina Montes de Rois
Noticias Deportes- Abre o calendario 2026 do Ranking Galego de Trail Running na serie prata
- Os participantes contarán con vestiarios e aparcadoiro, desfrutarán duns petiscos ao remate da proba e participarán no sorteo de zapatillas de running e doutros agasallos
- O Concello recorda a necesidade de circular con precaución polos lugares de paso entre as 10.00 e as 14.00 horas
Rois abre o prazo de inscricións gratuítas na Andaina Bisbarra do Sar o luns 1 de decembro
Noticias Deportes- A proba desenvolverase o sábado 18 de abril cun percorrido renovado
- As persoas participantes poden escoller entre facer a proba completa, de 50 quilómetros, ou un dos dous itinerarios de 31 e de 19 Km
Convócanse as subvencións municipais ás asociacións culturais, deportivas, veciñais e de reinserción social para o ano 2025
Noticias Educación, Cultura e Xuventude DeportesContacto
Concellería de Deportes
Edificio Multiúsos de Rois
- Tel: 981 816 061
- Email: deportes@rois.gal
- Horario
Inverno: Luns, mércores e xoves de 16.30 a 21.00 h e martes e venres de 8.30 a 15.00 h.
Verán: Luns a venres de 8.30 a 14.30 h.
Técnico deportivo financiado por
