Educación, Cultura, Xuventude

Queremos dinamizar a vida social e cultural do noso concello. E con ese obxectivo sempre en mente traballamos desde a área de Educación, Cultura e Xuventude.

conciliación

implicándonos na conciliación da vida laboral e familiar dos veciños e veciñas.

educación

apoiando a formación que se imparte nos centros escolares, sempre en sintonía coas necesidades e intereses de toda a comunidade educativa.

conservación

difundindo e dando a coñecer o noso rico patrimonio.

equipamentos

coidando os equipamentos educativos e culturais e xestionando o seu uso para facelos accesibles a toda a cidadanía.

actividades

programando durante o curso actividades culturais, artísticas e de ocio nas que todas e todos temos cabida.

espectáculos

organizando acontecementos que animen a relacionarnos e gozar da cultura, como as festas de Nadal e do Entroido, o Rois NaturFest, o Día de Rosalía, o Camiño das Letras, o TeatROIS e a Mostra de Teatro ou o Serán da Lingua, entre moitos outros exemplos que fan do noso municipio un concello amigo da cultura.

asociacións

colaborando estreitamente coas asociacións do municipio, sempre implicadas e capaces de converter en festa rachada un Entroido ou de facer que #ACulturaDispersaPorRois non pare nin en tempos difíciles.

intercambios

promovendo intercambios para darnos a coñecer no mundo e para aprender doutras experiencias.

… e moito máis!

Que precisas?

Mellorar o teu inglés ou o teu manexo coas novas tecnoloxías? Aprender a tocar algún instrumento? Talvez expresarte a través da arte ou do teatro? Dende o Concello de Rois deseñamos unha completa programación de actividades anual para todas as idades e para todo tipo de persoas. Ademais, contamos co factor humano que dota de vida e acción uns equipamentos excepcionais: o auditorio, a escola de música ou a biblioteca son só algúns exemplos deses lugares nos que se desenvolve o talento local.

Noticias: Educación, Cultura e Xuventude

Xoves, 29 Setembro 2022

Outono Cultural conxunto en Padrón e Rois con máis espectáculos para chegar a máis público

Educación, Cultura e Xuventude
  • Os alcaldes Ramón Tojo e Antonio Fernández destacan que por primeira vez ofrecen unha programación coordinada 
  • O auditorio roisense acollerá os espectáculos de outubro
  • A capital do Sar tomará o testigo en novembro e decembro
  • A oferta teatral sobresae nun programa que inclúe concertos, exposicións ou conferencias
Venres, 23 Setembro 2022

O concerto das escolas de Música de Rois e de Letonia emocionou ao público roisense

Educación, Cultura e Xuventude
  • A actuación forma parte do intercambio internacional que promove o Concello coa rexión de Rezekne
  • Os directores das escolas de Vilani e de Malta cantaron o Himno galego que pechou a actuación
  • A concelleira Victoria Quiroga agradeceu a implicación de familias, alumnado e profesorado, con mención especial para Manuel Villar, Anna Melikhova, Anayansi Sing e Juan Martínez
  • A delegación letoa regresará mañá á casa despois de visitar a Catedral e o casco histórico de Santiago
Mércores, 21 Setembro 2022

A comitiva de Letonia coñece Rois antes do concerto de mañá coa Escola de Música e o CPPI Os Dices

Educación, Cultura e Xuventude
  • “A música é un idioma universal que nos axuda a entendernos e expresarnos”, dixo o alcalde Ramón Tojo na recepción oficial que o goberno local lle fixo aos visitantes
  • Os directores das escolas de música de Malta e Vilani valoran invitar a Rois a un festival que están organizando en Rezekne Distrit para unir aos pobos da rexión
  • O concerto de mañá celébrase no auditorio municipal a partir das 18.00 horas, con acceso libre ata completar aforo
Ver noticias anteriores

Contacto

Concellería de Cultura
Edificio Multiúsos de Rois

Programación de actividades para persoas adultas 2021-2022Descarga
Programación de actividades para menores 2021-2022Descarga