O mércores día 10 dará comezo a actividade de Marcha nórdica. As xornadas de iniciación son gratuítas e celebraranse todos os mércores do mes de outubro. Os participantes sairán do edificio multiusos de Rois ás 11.00 da mañá.

Estas primeiras saídas servirán de toma de contacto cun deporte de resistencia, a marcha nórdica, que ten moitos beneficios para a saúde. >

Medio cento de veciñas e veciños de Rois están gozando hoxe das festas do San Froilán en Lugo, ao participar na terceira excursión que organizou o Concello, dende o departamento de Cultura, como oportunidade para coñecer Galicia un pouco máis.
Antes de ir a Lugo, organizáronse outras dúas viaxes, unha á Costa da Morte e a outra para coñecer a comarca do Salnés. >

Máis de trinta veciños e veciñas de Rois participaron o pasado sábado na excursión que organizou o Concello para coñecer a comarca do Salnés. Durante o percorrido, ademáis de visitar Cambados, o Grove e A Illa da Toxa, os participantes fixeron unha viaxe en catamarán pola ría para ver os fondos mariños e degustar mexilóns. >

>

O Concello de Rois programou para este outono-inverno un amplo programa formativo dirixido ás persoas adultas do municipio, con actividades que van das manualidades á música tradicional pasando pola micoloxía ou as novas tecnoloxías. A inscrición pode realizarse ata o venres 5 de outubro no Concello de Rois, no edificio multiusos de Rois ou na oficina municipal de Urdilde. >

Artesanía de Rois e fotografías de diferentes localidades do Camiño Portugués dende Lisboa ata Compostela. Son a esencia da exposición Artesanía e Camiño que onte se inaugurou no edificio Multiusos e que se poderá ver ata o 31 de outubro. Con esta iniciativa, o Concello de Rois e a Fundación Camiño Portugués de Santiago queren conmemorar os 25 anos da primeira peregrinación que fixo a Fundación en 1993 e que, anos despois, permitiría o recoñecemento oficial desta Ruta. >