A Deputación Provincial da Coruña pon en marcha a Campaña de Inverno 2019 para que nenos e nenas de 11 a 15 anos da provincia goces de catro días na neve, concretamente na estación invernal de Cabeza de Manzaneda. No caso dos menores do concello de Rois, o prazo asignado é do 25 ao 28 de xaneiro. >

Alumnado e profesorado da Escola Municipal de Música de Rois ofreceu esta tarde o tradicional Concerto de Nadal co que felicitaron as festas ás 200 persoas que encheron o auditorio do edificio multiúsos interpretando panxoliñas, temas coñecidos dos Beatles, de bandas sonoras e un variado repertorio que acabou emocionando ao público. >

A postal deseñada polo alumnado da aula de cinco anos do CPI dos Dices converteuse na postal institucional coa que o Concello de Rois vai felicitar o Nadal a todos os veciños e veciñas do municipio. Unha representación da aula recolleu a última hora de hoxe o premio como gañadores na categoría do segundo ciclo de Educación Infantil, durante a entrega de diplomas aos nenos e nenas que participaron neste primeiro concurso organizado polo Concello. >

O Concello de Rois felicítalle o Nadal a toda a veciñanza, amigos e visitantes con este vídeo no que son protagonists os propios veciños e veciñas de todas as idades.

Bo Nadal e póspero 2019.

  >

A compañía Teatro Babaluva representará este venres no Auditorio Municipal de rois, ás seis da tarde, o espectáculo Tita, unha obra para público infantil centrada na educación e na intelixencia emocional. A montaxe combina teatro de monicreques e actrices. A entrada ao espectáculo é gratuíta. >

A rapazada de Rois pode reservar praza para participar na tradicional cabalgata dos Reis Magos, que se celebrará na tarde do sábado 5 de xaneiro. Aqueles nenos e nenas que queiran acompañar ás Súas Maxestades nun percorrido polo concello, repartindo lambetadas, regalos e sorrisos, deben anotarse entre o luns 24 de decembro e o mércores 2 de xaneiro no teléfono 981 804 109, en horario de 9.00 a 14.00 horas. >