Xa hai carteis gañadores do certame escolar convocado co gallo do Día da Muller. O xurado, reunido o venres pasado, concedeu máis dunha ducia de premios entre o alumnado da Galiña Azul, do CIP Os Dices e do CEIP O Pumar. O alto nivel dos traballos presentados dificultou a deliberación e mesmo se repartirán dous segundos premios na categoría de sexto de educación infantil por causa dun empate.
Nenas e nenos fixáronse sobre todo na liberdade de decisión e na capacidade das mulleres para perseguir os seus soños á hora de confeccionar os seus carteis para un certame que ten como obxectivo concienciar os escolares sobre os dereitos da muller e a necesidade da súa plena integración na sociedade.
A listaxe completa de alumnado premiado é a seguinte:
Categoría A (1º a 3º de educación infantil)
- Iago Insua Carregal, de 2º de EI na Galiña Azul, con ‘Es libre, así que voa’
- Escola infantil A Galiña Azul, con “As superheroínas de Rois’
Categoría B (4º de educación infantil)
- Breixo Dopazo Otero, do CPI Os Dices, con ‘Sororidade. Todos somos unha’
Categoría C (5º de educación infantil)
- Lucas Rego Rodríguez, do CPI Os Dices, con ‘Empatía. Ponte no lugar das mulleres para comprendelas’.
Categoría D (6º de educación infantil)
- Alumnado de infantil do CEIP O Pumar
- Marco Maquieira Lens, do CPI Os Dices, con ‘A muller do rural. A muller tamén pode facer os labores na granxa’ // Brais Insua Carregal, do CPI Os Dices, con ‘A igualdade é a arma da liberdade’.
Categoría E (1º e 2º de educación primaria)
- Uxía Dopazo Otero, de 1º de primaria do CPI Os Dices, con ‘Eu son: meritoria, única, loitadora, libre, empoderada, respectable»
- Xosé Meda, Pousada, de 1º de primaria do CPI Os Dices, con ‘Muller campioa’.
Categoría F (3º e 4º de educación primaria)
- Alumnado de 4º de primaria do CEIP O Pumar, con ‘Con outras miradas é posible o cambio’.
- Marina Vidal Bustelo, de 3º de primaria do CPI Os Dices, con ‘As mulleres poden voar. Voando ata a liberdade’.
Categoría G (5º e 6º de educación primaria)
- Lidia Núñez Forján, de 5º de primaria do CEIP O Pumar, con ‘Eu son libre’.
- Alumnado de 6º de primaria do CEIP O PUmar, con ‘Eu tecín soa a miña tea’.
Categoría H (1º e 2º de educación secundaria)
- Uxía Fabeiro Vázquez, de 1º A de ESO do CPI Os Dices, con ‘AS mulleres poden voar. Mantén os teus ollos nas estrelas e os pés no chan’.
- Ileanda Alda Piñeiro Degán, de 1º B de ESO do CPI Os Dices, con ‘Coida o diamante que hai en ti’.
Os premios repartiranse no transcurso do acto que, co gallo da conmemoración do Día da Muller, se celebrará no Auditorio de Rois o mércores 8 de marzo.
