O Concello de Rois e a Escola Judo Club, que imparte esta modalidade deportiva nas escolas municipais, desenvolverán nas semanas do 14 e o 21 de febreiro unha actividade de promoción do deporte do judo entre todo o alumnado dos colexios de Rois e Urdilde.
Ao longo destas dúas semanas, cada curso do CPI Os Dices e do CEIP O Pumar participará nunha sesión de judo dentro das clases de educación física. A actividade, que leva por nome Judo nos coles, estará dirixida polo mestre Brais García González, responsable da escola deportiva municipal de judo no Concello de Rois.
