A ESMU de Rois pecha curso co ‘Concerto de verán’, no que actúan unha trintena de alumnos e alumnas

Enderezo: Oín, Lugar de Samil, 1, 15911 Rois
Teléfono: 981 80 41 09
Fax: 981 80 41 82
Email: correo@rois.gal

A Escola Municipal de Música (ESMU) de Rois despídese hoxe do curso 2020-2021 coa última das tres actuacións coas que o centro quere amosar a evolución do alumnado durante os últimos meses, no que moitas das clases celebráronse de xeito telemático debido a pandemia da covid-19.

Hoxe, unha trintena de alumnos e alumnas, dos máis de oitenta que acoden a escola de música, ofrécennos o Concerto de verán, co que se dá por rematado o presente curso. A Escola Municipal de Música de Rois mantén aberto o prazo de matrícula para o curso 2021-2022 ata o vindeiro 16 de xullo.

O Concerto de verán comeza coa actuación dos acordeonistas José Pardal e Victoriano Silva que, acompañados do seu profesor Vadim Yukhnevich, interpretan a ‘Xota de Taboada’; e remata coa interpretación ao violín do ‘Himno Galego’ que fai Vicente Varela acompañado pola súa profesora Amparo Cánovas.

As actuacións deste vídeo forman parte do tradicional concerto de solistas co que a ESMU de Rois remata cada curso escolar. Como non se puido celebrar presencialmente o Concello de Rois e o equipo directivo da ESMU decidiron organizar concertos telemáticos como un incentivo máis para o alumnado da Escola de Música. O primeiro foi o Concerto do Santo Isidro, o 15 de maio, ao que seguíu o Concerto das Letras Galegas, o 17 de maio pasado, e hoxe remata con este Concerto de verán.

Durante os máis de 45 minutos que dura este concerto interveñen, por orde de aparición: