A Escola Municipal de Música (ESMU) de Rois continúa cos concertos de final de curso para amosar a evolución do alumnado durante os últimos meses, no que moitas das clases celebráronse de xeito telemático debido a pandemia da covid-19. Hoxe, unha vintena de alumnos e alumnas, dos máis de oitenta que acoden a escola de música, ofrécennos o Concerto do Día das Letras Galegas.
Este vídeo comeza coa actuación da pianista Sara Ferreiro, que interpreta ‘Happy Cowboy’ e remata coa tamén alumna de piano Paula Abaña Pérez interpretando ‘Happy Sol’. Esta actuación forma parte do tradicional concerto de solistas cos que a ESMU de Rois remata cada curso escolar. Como non se puido celebrar presencialmente o Concello de Rois e o equipo directivo da ESMU decidiron organizar concertos telemáticos como un incentivo máis para o alumnado da Escola de Música. O primeiro foi o Santo Isidro do pasado sábado, e ao de hoxe seguirá algún máis ata que remate as clases.
Durante os case 17 minutos que dura o Concerto das Letras Galegas interveñen, por orde de aparición:
- Sara Ferreiro
- Gema Figueira Vidal
- Héctor Vázquez
- Leire Iglesias Suárez
- Lourenzo Somoza Singh
- Noelia Gómez Carlés
- Lucía Casal
- Sabina Gutiérrez Cortizo
- Roi Estévez
- Iago Abeijón Lorenzo
- Sabela Heleno
- Uxía Pérez
- Celia Insua
- Uxía Ríos
- Xiana Ríos
- Xulia Cristobo Zúñiga
- Zaira Leite Reboiras
- Celtia Insua Carregal
- Iara Rodríguez Osorio
- Paula Abaña Pérez