Un total de 50 nenos e nenas participaron este ano nas Mañás Entroideiras, un campamento urbano de tres días de duración organizado polo Concello de Rois para facilitar a conciliación familiar e laboral durante as vacacións escolares.
O luns de Entroido a actividade desenvolveuse no CPI dos Dices e no polideportivo de Rois, mentres que o martes se trasladou ao centro educativo de Urdilde. O Mércores de Cinsa, último día do campamento, os nenos e nenas de 6 anos en adiante realizaron unha excursión ao centro comercial compostelán Área Central, onde gozaron saltando nas camas elásticas no Urban Planet Jump.
O Concello de Rois, promotor das Mañás Entroideiras, agradece a colaboración prestada polos centros educativos do municipio, que cederon as súas instalacións; así como á Asociación de Cultura e Tempo Libre Neboeira, responsable de monitorizar a actividade.
Podes ver máis fotos neste album no Facebook do Concello de Rois.
