A Consellería de Infraestruturas e Mobilidade adxudicou a obra para a instalación de dous semáforos que controlarán a velocidade na estrada AC-301 ao seu paso polo tramo urbano de Rois. Esta intervención foi demandada polo Concello de Rois e suporá un investimento de máis de 34.000 euros.
Coa finalidade de mellorar a seguridade viaria, instalarase un semáforo por sentido de circulación no punto quilométrico 3+650, cun sensor de velocidade con cambio a vermello ao superar os vehículos os 50 km/h.
O contrato foi adxudicado á empresa Eulogio Viñal Obras y Construcciones, S.A. As obras comezarán nas vindeiras semanas e contan cun prazo de execución dun mes.
Máis información neste enlace.
